Fyrstu heimildir um jörðina Hlið eru frá 1395

Margbýlt var á Hliði á árum áður bæði Stórbýli, og hjáleigur og önnur býli einnig þurrabúðir, tómthús og fjöldi útihúsa. allmiklar verbúðir voru á melhöfða sem nú er flæðisker suðvestur undan Hliði og var þar einn aðal útróðrastaðurinn á suðurnesinu í margar aldir. Þar gistu allt að 30 manns í verbúðum, það hlýtur að hafa verið töluverð mannraun að hafast þar við, þegar menn komu þreyttir, kaldir og blautir úr róðri á opnum árabátum, að hafast við í illa eða ekkert upphituðum verbúðum vart vind og vatnsheldum á stað þar sem lognið fer iðulega mjög hratt yfir.

Bátur á leið í róður

Óþekktur sjómaður

Margt stórmenna hafa búið á jörðinni Hliði svo sem Kristján Mathiesen sem gerði þaðan úr í kring um 1880, Jón Þórarinsson Hreppstjóri og alþingismaður,

Einn af þeim merkismönnum sem hafa búið að Hliði er Jörundur Ólafsson en hann átti afburða gæðing sem Skjóni hét þegar Skjóni kvaddi þessa veröld, 1807, gróf Jörundur hann í miðjum Hjallavelli sem að sunnanverðu Hliði ofan á gröfina setti hann stein sem hann hafði höggvið í þessa vísu:

Heygan Skjóna hér ég tel
Þessi Jörsa þjenti vel
Hestinn bezt að liði.
Þegar hann bjó á Hliði

Um 1900 gróf sjórinn eiðið í sundur og þurfti að sæta flóð og fjöru til að komast til og frá Hliði

Töluverður jarðhiti er að Hliði í flæðarmálinu er hver sem heitir Laugin, sem kemur nú ekki upp nema á stórstreymi, hér á árum áður var hann inni á túni og ekki ólíklegt að Snorri Sturluson sem meðal annars átti Bessastaði, Eyvindastaði og jafnvel Hlið hafi brugðið sér í laugina þegar hann gisti á skemmtisetri sínu Bessastöðum.

Snorri var einn af frumkvöðlum bað menningarinnar okkar og er Snorralaug Í Skálholti kennd við hann.

Sundkennsla var í víkinni milli Laugarinnar og núverandi húss á fjórða áratug aldarinnar og hafa það verið kaldir kappar sem tóku þátt í því.

Gömul borhola er á vestanverðum Hliðstanga eitthvað gekk erfiðlega að bora, skífurnar á borkrónunni vildu brotna, svo það var gefist upp eftir nokkra tugi metra. Sagan segir að bóndinn á Hliði hafi séð álfkonu sem benti honum á þann stað sem borað skildi á þess vegna var borað á þessum stað en ekki þar sem ráðgjafar mæltu með. Til eru ótal sögur um drauga, álfa og huldufólk að Hliði hvað svo rammt að því um miðja síðustu öld að engin gat hafist við í gamli hliðsbænum sem var reisulegt tveggja hæða steinhús sem stóð töluvert austar á tanganum en núverandi hús stendur.

Sundgarpar í skólasundi í sjónum við Hlið

Gamla Hliðshúsið

Hlið er samtvinnuð sögu álftanes, þar á meðal forseta setrið sem var bæði fangakista, fálkahús og aftökustaður ásamt því að vera skemmtisetur Snorra Sturlusonar. Stutt frá Bessastöðum bjó Óli Skans og kona hans, sem hét reyndar Fía en ekki Vala, við skans sem gerður var til að verjast sjóræningjum Tyrkjaránsins og fleirrum. Bjarnastaða beljurnar áttu það til að baula mikið við einn fyrsta barnaskóla landsins sem tók til starfa 1791. Á Álftarnesi er mjög víðsýnt og aldrei hægt að fá nóg af útsýni enda var þar reknar stjörnuathugunarstöðvar að Bessastöðum 1749-1751 og Lambhúsum 1779-1805

Sjá nánar um sögu Álftarnes í bók Önnu Ólafsdóttur Björnsson og á heimasíðu Álftanes: http://www.alftanes.is/Files/Skra_0005316.pdf

Árið 1996 fluttum við fjölskyldan að Hliði en þá hafði það verið í eyði í nokkurn tíma við gerðum íbúðahúsið upp og byggðum við það sólstofu 2003 sem nú er rekin heimaveitingastofa.

Þegar þetta er skrifað er í undirbúningi að gera upp bátaskýlið og breyta því í spa hús, baðhús.

Hlið 1996

Hlið 2004

Árið 2002 var Hluti jarðarinnar friðlýstur sem fólkvangur vegna fjölbreytts dýralífs.